என்னைப்பற்றி 32 கேள்விகள்

சக்கரை சுரேஷ் இந்த தொடர் பதிவுக்கு அழைத்திருந்தார்..முதலில் தொடர் பதிவு என்ன என்றால் என்றே தெரியவில்லை..இன்று காலையில் தான் எனக்கு தெரிந்த பதிவரிடம் கேட்டேன்..நான் பதிவுலகத்துக்கு புதியவனாதலால் இந்த பதிவுலக வார்த்தைகளுக்கு அர்த்தம் தெரியவில்லை…இங்கே கீழே 32 கேள்விகளுக்கு பதில் சொல்லியுள்ளேன்..முடிந்தவரை உண்மையுடன்…

 

1. உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா 

"ஏண்டி..புதுசா பிளாக் போடலாம்னு இருக்கேன்..என்ன பெயர் வைக்கலாம்…."

"ஏங்க..ஏங்க..எங்க தாத்தா பேர் வைங்க.."

"அடிப்பாவி..நான் என்ன குழந்தைக்கு பேர் வைக்கவா போறேன்..சரி..என்ன பெயர் சொல்லு…"

"சொரிமுத்து என்ற சுடலைமாடன்"

"அய்யோடா சாமி..வேணாண்டி, ஒரு பய வர மாட்டான்…"

"சரி எதைப் பத்தி எழுதப் போறீங்க.."

"கிம் கி டுக், பின்நவீனத்துவம், அரபி இலக்கியம் ஒரு பார்வை..சூபி தத்துவங்கள்.."

"ஒரு எழவும் புரியலீங்க…அவிங்களை பத்தி தான எழுதப் போறீங்க.."

"அய்யோ..புடிச்சுட்டேண்டி..அவீங்க.காம்"

2. கடைசியாக அழுதது எப்பொழுது?

(ஹோட்டலில்)"சார் என்ன சாப்பிடுறீங்க…"

"ஐயோ சார்..நீங்க தமிழா..ரொம்ப சந்தோசமா இருக்கு..அமெரிக்காவுல தமிழ் கேட்டு ரொம்ப நாளாச்சு..நான் மதுரைக்காரந்தான்..இங்க வந்து ரெண்டு வருசம் ஆச்சு…ஜுலை மாசம் நம்ம நாட்டுக்கு போறேன்…"

"ரொம்ப சந்தோசம் சார்..எனக்கு ஒரே ஒரு உதவி பண்ண முடியுமா..நான் ஒரு ஆயிரம் டாலர் தரேன்..எங்க ஆத்தா கிட்ட குடுக்க முடியுமா.."

"சார்..நம்ம அறிமுகம் ஆகி ஐந்து நிமிசம் தான் ஆச்சு..அதுவும் இல்லாம, இப்பதான் ஊருக்கு பணம் அனுப்புறதுக்கு நிறைய ஆன்லைன் வழி இருக்கே.."

"நாங்க ரொம்ப கஷ்டப்பட்ட குடும்பம் சார்..சோத்துக்கே வழி இல்லை..எங்கம்மா தினமும் என்னை இட்லி சுட்டு தான் என்னை படிக்க வச்சுச்சு…ஸ்கூல் பீஸ் கட்ட எத்தனையோ நாள் சாப்பிடாம இருந்துருக்கும் சார்..ஒரு வைராக்கியத்தோட கேட்டரிங் படிச்சு இங்க வந்தேன் சார்..என்னோட ஆசையெல்லாம் என்னோட முதல் சம்பளத்த எங்கம்மா கையால தொட்டு பார்க்கணும் சார்…."

3.உங்களோட கையெழுத்து உங்களுக்கு பிடிக்குமா?

இரண்டு வருசத்துக்கு முன்னாடி சென்னையில் ஒரு போஸ்ட் ஆபிஸில்..

“சார்….விரலுல நகச்சுத்தி..வீட்டுக்கு ஒரு லெட்டர் எழுதணும்..கொஞ்சம் ஹெல்ப் பண்ண முடியுமா..”

“கொண்டாங்க சார்…”

“அன்புள்ள அண்ணனுக்கு..சிங்கப்பூர் எப்படி இருக்கு..”

““அன்புள்ள அண்ணனுக்கு..சிங்கப்பூர் எப்படி இருக்கு..”

“சார்..என்ன தமிழுல எழுத சொன்னா கோழி கிண்டுற மாதிரு ஏதோ எழுதுறீங்க..கொண்டாங்க நானே எழுதிக்கிறேன்..

 

4.பிடித்த மதிய உணவு என்ன?

"அய்யோ..ரொம்ப பசிக்குதுடி..எனக்கு புடிச்ச சாம்பார், வெண்டிக்காய் பொரியல், அப்பளம் செய்ய சொன்னேனே..கொண்டா.."

"சாரிங்க…திருமதி செல்வம் பாக்குற அவசரத்துல உப்புக்கு பதிலா சக்கரைய போட்டுட்டேன்..நேத்து வச்ச சோறு இருக்கு..தண்ணில போட்டு புளிஞ்சு தரவா.."

 

5.நீங்கள் வேறு யாருடனாவது உங்களோட நட்பை உடனே வச்சுக்குவீங்களா?

"யாருங்க அது..அடிக்கடி ஆபிஸ்ல இருந்து ஒரு பெண் வீட்டுக்கு போன் பேசுது…."

"ஐயோ..அது டீம் மேட்டுடீ…"

 

6.கடலில் குளிக்க பிடிக்குமா....அருவியில் குளிக்க பிடிக்குமா?

"என்னங்க..நானும் பார்க்கிறேன்..தலையில எண்ணைய வச்சிட்டு அப்பிடியே ஆபிஸ் கிளம்புறீங்க..குளிக்கிற பழக்கம் இருக்கா…"

 

7.முதலில் ஒருவரைப் பார்க்கும் போது எதை கவனிப்பீர்கள்?

"மச்சான்..எதை பார்த்துடா பேசுவ.."

"ஆம்பிளைனா கண்ணைப் பார்த்துடா.."

"பொம்பிளைனா…??"

"அது வந்து…"

"மச்சான்..உன் பொண்டாட்டி வராடா.."

"பொம்பிளைனா..மண்ணைப் பார்த்துடா…"

 

8.உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன ?

என்னங்க..எப்ப பார்த்தாலும் பிளாக், பிளாக்ன்னு அலையிறீங்களே..உங்களுக்கு வேற வேலையேயில்லையா…இங்க வந்து கொஞ்சம் காய்கறி வெட்டிக் கொடுத்தா என்னவாம்.

 

9.உங்க சரி பாதி கிட்ட உங்களுக்கு பிடித்த பிடிக்காத விசயம் எது?

"ஏங்க…காலையில ஆபிசுக்கு போகும்போது பார்த்து போயிட்டு வாங்க..சாமிய கும்பிட்டுக்குங்க..நல்லா வேலை பாருங்க"

"ஏங்க..குஷ் மேடம் மானாட மயிலாடவுல என்னமா டான்ஸ் ஆடுறாங்க பாருங்க…"

 

10.யார் பக்கத்துல இல்லாம இருக்குறதுக்கு வருந்துகிறீர்கள் ?

"தம்பி ராசா..எப்படிபா இருக்க, அம்மா பேசுறேம்பா..அமெரிக்காவுல ஏதொ பன்னிக் காய்ச்சல் பரவுதுன்னு டி.வில சொல்லுறாங்களேப்பா..நீ சம்பாதுச்சதெல்லாம் போதும்பா..வீட்டுப்பக்கம் வந்துடுப்பா.."

 

11.இதை எழுதும் போது என்ன வர்ண ஆடை அணிந்து உள்ளீர்கள் ?

அய்யோ கண்றாவிய இருக்கு..ஏற்கனவே சூப்பர் கலருல இருக்கீங்க..அதே கலருல சட்டை வேறயா..கண்ணு கூசுதுங்க..

 

12.என்ன பார்த்து//கேட்டுக் கொண்டு இருக்குறீங்க ?

கொஞ்சம் அந்த கரண்டிய எடுத்து தரீங்களா..

 

13.வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?

கருப்பு…

 

14.பிடித்த மணம்? 

மசாலா வாசம் தூக்குதே…

 

15.நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன ?

பித்தன்..நல்லா எழுதுறாரு..கவனிக்கப்பட வேண்டியவர்….பிச்சு உதருறாரு..எனக்கு அவரிடம் பிடித்த பதிவு..”உலகின் தலைசிறந்த எழுத்தாளர்..”

http://paarvaigalpalavitham.blogspot.com/

 

16.உங்களுக்கு இதை அனுப்பிய பதிவரின் பதிவில் உங்களுக்குப்பிடித்த பதிவு ?

எல்லாமே..எதை தனியே சொல்லுவதன்று தெரியவில்லை..முக்கியமா..அரசு பள்ளி பற்றி அவர் எழுதியது..

 

17. பிடித்த விளையாட்டு?

கிரிக்கெட் விளையாண்டுட்டு வந்தா காலைக் கழுவிட்டு உள்ள வாங்கன்னு எத்தனை தடவை சொல்லி இருக்கேன்..

 

18.கண்ணாடி அணிபவரா?

"சார்..ரோட்டைக் கடக்க நான் வேணா ஹெல்ப் பண்ணவா.."

"ஐயோ சார்..எனக்கு நல்லா கண்ணு தெரியும்..இது கூலிங்கிளாஸ்..ஹி..ஹி.."

 

19.எப்படிப்பட்ட திரைப்படம் பிடிக்கும்?

அவீங்க ராசா..நீங்க நல்லவரா..கெட்டவரா..

தெரியலேயேப்பா…

 

20.கடைசியாகப் பார்த்த படம்?

டே..உனக்கு என்னடா பாவம் செஞ்சேன்..சர்வம் படத்துக்கு கூட்டி போயி பழிவாங்கிட்டேயேடா..

 

21.பிடித்த பருவ காலம் எது?

கல்லூரி…

 

22.என்ன புத்தகம் படித்துக் கொண்டு இருக்கீங்க?

தாமுவின் சமையல் கலைகள்…

 

23.உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?

வருசத்துக்கு ஒன்னு..

 

24.பிடித்த சத்தம் ? பிடிக்காத சத்தம்?

பிடித்தது : எந்த நல்ல இசையும்..

பிடிக்காதது..இது உங்கள் ஏர்டெல் சூப்பர் சிங்கர்..தமிழகத்தின் மிக பிரண்டமான குரல் தேடல்..தங்க்யூ..

 

25.வீட்டை விட்டு நீங்கள் சென்ற அதிக பட்ச தொலைவு?

அமெரிக்கா..

 

26.உங்களுக்கு ஏதாவது தனித் திறமை இருக்கிறதா?

பம்பரம் நல்லா சுத்துவேன்..

 

27.உங்களால் ஏற்றுக் கொள்ள முடியாத ஒரு விஷயம்?

அடுத்த படத்துல இருந்து கைய கால ஆட்டாம நடிப்பேன் – சிம்பு..

 

28.உங்களுக்கு உள்ளே இருக்கும் சாத்தான்?

மைடியர் குட்டிச்சாத்தான்

 

29.உங்களுக்கு பிடித்த (சுற்றுலா) தலம்?

நியூயார்க் நகரம் உறங்கும் நேரம்…

 

30.எப்படி இருக்கணும்னு ஆசை?

இப்படியே இருக்கனும்டு..

 

31.மனைவி(கணவன்) இல்லாம செய்ய விரும்பும் ஒரே காரியம் ?

சமையல்..

 

32.வாழ்வு பற்றி ஒரு வரி சொல்லுங்க?

சக்கரை சுரேஷ் மாதிரி எப்போதும் கலகலப்பா..

 

இந்த பதிவு எழுத வாய்ப்புக் கொடுத்த சக்கரை சுரேஷ்க்கும், நான் எழுத அழைக்கும் பித்தனுக்கும் நன்றிகளும் வாழ்த்துக்களும்....